Ibaşepọ ere ifẹ ati itan isẹdalẹ ẹda ni o şe afọwọfa iwọn-jiini.

Ti a ba yọ awọn akasu-jiini ti njẹ ki a di ọmọkunri tabi ọmọbinrin, mejimeji ni akaşu-jiini inu ara, ọkan lati ikori baba, ekeji lati ọdọ ti iya ẹni. Amọ ki i şe wipe awọn jiini a kan ti ara baba tabi iya si ara ọmọ lai yipada. Rara o, wọn a ma lọmọ ara wọn, wọn a si ma parada debi wipe akaşu-jiini ti yio wa lara ọmọ yio ni diẹ lati ọdọ baba, diẹ lati ọdọ iya. Iru jiini titun ti o şẹlẹ yi ni a o fi fun ọmọ ẹni. Nigbati asiko ba dẹ to, tirẹ na yio yira pada.

Aworan Kinni: Aworan yi fi bi awọn jiini şe nparada han wa. Ti iyatọ 'X' ba wa, ti o toro mọ aisan kan, a o ri wipe iru aisan bẹ a wọpọ lara awọn ti o ba jogun jiini yi, ju eniti ko ni iru rẹ rara. A o ri wipe, awọn siniipu orişirişi ni o wa nitosi 'X' ti a le fi da a mọ.

Ti a ba wo iran diran, a o ri wipe iwọn akaşu-jiini a ma parada lọpọlọpọ igba bi awọn eniyan ba ti şe nfẹ ara wọn, ti wọn si bi si, ti wọn npọ si. A si le ri awọn enia bi melo kan ti gẹẹgẹ iwọn jiini wọn fi arajọra (Aworan Kinni). Iru awọn iwọn jiini bawọn wọnyi ko parada lati iran de iran niyẹn.

Awọn iwọn-jiini iru wọnyi ni awọn ọjọgbọn ma nlo lati şe iwadi aisan.

Gbogbo ohun ti a mọ fi apẹrẹ han wipe ilẹ awa enia dudu ni orisun gbogbo awọn enia to wa ni agbaye. Ni iwọn igba ti eleyi sẹlẹ ko ti ju ẹgbẹgbẹrun ati abọ ọdun lọ. Nitori wipe ko pẹ pupọ ti awa eniyan gborisọ, iyatọ ti o wa larin wa ko pọ rara. Siwaju si, gbogbo awọn ẹya enia ti wọn tan ka si ilẹ okere ko diẹ ninu iyatọ ti o wa ninu jiini orisun wọn ni. Nitori idi eyi, ki i şe gbogbo iyatọ ti o wa ninu jiini awọn enia dudu ni a nri ninu ti oyinbo-alawọ-funfun. Bakanna, awọn iwọn-jiini ti a nri lara awọn ẹya miran jẹ diẹ lara iru eyiti a nri lara awọn enia dudu. Iwọn-jiini awọn ti ko ki nşe enia dudu a ma gun ju ti awọn enia dudu lọ.

Bi awọn ẹya enia se pin kakiri gbogbo agbaye, iye iwọn-jiini ti a n ri bẹrẹ si yatọ lati ibikan si omiran nipasẹ ayan (chance), ilana aye (natural selection) ati bẹẹbẹ lọ. Nitori idi eyi, a le ri iru iwọn-jiini kan ni sakani kan, ki o ma si si ni sakani keji, paapa ti awọn sakani wọnyi ba jina si ara wọn, ti ko si si aye ibalopọ fun wọn. Siwaju si, iyatọ titun le sẹlẹ larin awọn sakani wọnyi lẹhin ti wọn ba pinya. Eleyi a si jẹki iwọn-jiini titun gborisọ ninu awọn ẹya wọnyi laisi anfani wipe ki wọn tan ka lọ si arin awọn ẹya miran.